Компания тарихы
Activat VC венчурлік компаниясы (бұрынғы атауы — Smart Investments) Қазақстанда 2014 жылы құрылған болатын. Компания өз жұмысын стартап-студия ретінде бастап, 6 жеке жобаларын өз бетінше іске асырды. Венчурлық индустрияның канондарына сәйкес,
алты стартаптың бесеуі сәтсіздікке ұшырады. Әлі күнге дейін сәтті жұмыс істеп келе жатқан i-teka жобасы ғана қалды. i-teka - дәріханаларда дәрі-дәрмектерді іздеуге, сондай-ақ қажетті дәрігерлерді іздеуге және олармен онлайн кеңес алуға арналған медициналық портал.
Бірнеше жылдар ішінде әртүрлі жобалармен жұмыс істегендіктен, Activat VC жеткілікті тәжірибе жинақтады. Бұл өз кезегінде басқа жаңа стартаптарға тәлімгерлік және бастапқы қаржыландару қолдауын көрсетуге мүмкіндік берді. Біртіндеп Activat VC бастапқы сатыдағы стартаптарға «ақылды ақшаны» инвестиция жасайтын инвестициялық компанияға айналды.
Инвестицияланған жобалар санының кеңеюіне байланысты Activat VC айналасында жас кәсіпкерлердің экожүйесі қалыптаса бастады. Кейінірек олар Uley қауымдастығына (атауы Activat Startup болып өзгертілді) біріктірілді. Қазіргі таңда Activat Startup қауымдастығына 250 фаундрлер мен ұжым мүшелері кіреді. Олар қауымдастық аясындағы платформада жаңалықтармен бөліседі, ортақ мәселелерді талқылайды, пікірлес адамдарды табады.
Сонымен қатар 2019 жылдан бастап Activat VC айналасында венчурлық инвестицияға қосылғысы келетін бизнес-періштелер мен жеке инвесторлар қауымдастығы қалыптаса бастады. Activat VC компаниясы олардың жетекшісіне және координаторына айналды. 2020 жылы құрылған Pragmatic инвесторлар клубы (атауы Activat Invest болып өзгертілді) тәжірибемен бөлісетін, пікір алмасатын, бірлесе инвестиция жасайтын ортаға айналды.
Осылайша, Activat VC демеушілігімен инвесторлар ApartX, LoopOne және т.б. стартаптарды қаржыландырды.
Біртіндеп Activat VC компаниясының аясы географиялық тұрғыда кеңейе бастады. 2019 жылы Network VC Syndicate Fund, сондай-ақ Starta, Around Capital және т.б. американдық серіктестермен ынтымақтастық басталды. Осы ынтымақтастықтар арқасында Activat VC компаниясы американдық «HyPoint», «Respeecher», «3DLOOK» және т.б. табысты стартаптарына инвестиция құюға мүмкіндік алды. Олардың кейбіреулерінің бағалары бірнеше есе артқан болатын.
