Қазақстанда венчурлік инвестициялауды дамыту

Кеше Activat VC негізін қалаушысы және CEO-сы Марат Толыбай Парламентаризм институтының дөңгелек үстеліне қатысты. Онда Қазақстандағы венчурлік инвестициялаудың болашағы талқыланды.

Бүгінде еліміз венчурлік қаржыландыру көлемі мен заңнамалық базасы бойынша Орталық Азия мен Кавказда көш бастап тұр. Бірақ жаһандық деңгейге шығу үшін реформаларды жалғастыру қажет.

Инвестициялық ахуалды жақсарта алатын ұсынылған бастамалардың қатарында:

— Стартаптарды қаржыландыруды жеңілдету үшін SAFE мен конвертацияланатын қарыздарды қазақстандық тәжірибеге енгізу;

— АХҚО-дағы Жеке компанияға ұқсас, инвесторлар мен негізін қалаушыларға ыңғайлы компанияның жаңа нысанын құру;

— Стартап қызметкерлерін ынталандыру үшін опциондарды енгізу;

— Стартаптарға бизнесті қайта бастауға мүмкіндік беретін жеңілдетілген банкроттық рәсімі;

— Салық шегерімдері арқылы венчурлік инвестицияларды ынталандыру;

— Инвестицияларға қолжетімділікті кеңейту үшін заңды тұлғаларға жеке қарыз беруді заңдастыру;

— Инвестициялық процестерді жеделдету үшін жеке тұлғалар арасындағы мәмілелерді нотариаттық куәландыру талабын алып тастау.

Кездесуге сондай-ақ Цифрлық даму министрлігінің, мемлекеттік органдардың өкілдері және венчурлік инвесторлар қатысты. Венчурлік индустрия экономикалық өсудің негізгі драйверлерінің бірі екені анық, сондықтан оның дамуына қолайлы орта құру басым міндет болуы тиіс.