Activat VC BI Group-пен ынтымақтастық туралы меморандумға қол қойды

Достар! Қазақстанның ең ірі құрылыс холдингі BI Group-пен стратегиялық серіктестіктің басталғанын хабарлауға қуаныштымыз.

Ынтымақтастықтың мәні мынада: Activat VC BI Group-тың стратегиялық мақсаттарына сәйкес келетін стартаптарды іздеу мен іріктеуді өз мойнына алады, оларға Due Diligence жүргізеді және оларды BI Group компаниясымен ынтымақтастыққа дайындайды.

Өз кезегінде BI Group компаниясы Activat VC ұсынған стартаптарды сатып алу, оларға инвестиция салу немесе олардың қызметтерін пайдалану мүмкіндігі тұрғысынан қарастырады.

Біздің серіктестігіміз Қазақстанның құрылыс саласындағы стартаптардың дамуына тамаша серпін беріп, елімізде жаңа жоғары технологиялық шешімдердің пайда болуына жол ашатынына сенімдіміз.

Бұл кейстің тағы бір құндылығы — ол көптеген ірі корпорацияларға өздерінің инновациялық өсуі үшін стартаптармен және венчурлік компаниялармен қалай ынтымақтасуға болатынының үлгісі болмақ.